Saturday, August 11, 2007

Тэнгэрээс буусан Сарангуа чамдаа өргөх хэдэн үгс

Сэтгэлийн шандас хөглөөстөй хоносон тэр л үдэшийг би үл мартана. Сарны туяа цонхоор нэвт тусаж, Сарангуа чиний царайг гэрэлтүүлэхэд амьдрал хэмээх гашуун дарсыг лонх лонхоор нь хоосолмоор санагдсан тэр л үдэшийг би үл мартана. Заримдаа хөлгүй их далайд би төөрөн, огторгуйн гүнд шумбан, гүн бодолд дарагдахад айдас хүйдэс бүхэн холдож хамаг бодол сэтгэл хоосордог боловч тэр үдэшийн зүрх булгуйлсан мэдрэмж л надаас үл холдоно.

Лонх хоослон гунирхарсан сэтгэлээ хийж орхиод би холын хол дүүлэн нисмээр байдаг юм. Даанч чиний дүр зургийг согтсон үедээ төсөөлж, энхрий ялдам занг чинь, ариун нандин сэтгэлийг чинь эрүүл бус ухаанаар ургуулан бодохгүйг өөр өөрөө тушаасаар өнөөдөртэй золгожээ. Бурхан багш хэлэхдээ өлсөх нь хамгийн шаналгаат өвчин, биеийг олон нь хамгийн шаналгаат зовлон гэсэн боловч миний хувьд бол тэр л үдэшийг санан гунихарх нь хамгийн шаналгаат өвчин болж, харин чамайгаа мартаж чадахгүй нь хамгийн шаналгаат зовлон болсон нь нэг үнэн болжээ.

Би цангахдаа ус, өлсөхдөө хоол хүсдэг ч сэтгэл минь чиний ялдам үгсээр гачигдаж, зүрх минь чиний нигүүлсэнгүй харцаар дутагдана. Өлсөх төдийд, цангах цагт хоол унд түм бумаараа олдох авч зуун зуун ульран одлоо ч сэтгэлийн минь хүлээсийг тайлах, зүрхний минь шархийг эдгээх чи минь надад ганц л олдоно. Чамайг би хажуудаа байлгахаас зайлсхийн, сэтгэлдээ мөнхөлсөнд чи биш би ганцаар буруутай. Галт тэрэгний буудлаас үдэн гаргахад чинь би дахин чамд ширхэг үг, ганц дугтуй илгээхгүй гэдгээ хэлээгүйд минь уучлаач. Гэвч чиний төрхийг би тэнгэрт нартай, газарт галтай мөнхөлсөн учраас чи хэний ч биш ганцхан минийх л байх тавилантай.
Ертөнцийн төгсгөлд, газрын гүнд, түнэр харанхуйд сэтгэлд минь гал өргөн зүрхэнд минь итгэл хайрладаг чиний гэгээн дүрийг би, цус минь хатаж, мах минь ялзарч, яс минь өмхөрсөн ч мартахгүй ээ.

Чиний хайртай бас чамайг харладаг,
Форбидден Колорс-с чинь.

5 comments:

Pearle Deppsu said...

Oh my dear god, WOW.

Anonymous said...

"atgaad tavisan gar" shig udesh bsan uu?

Anonymous said...

:)

artagnan- артаньян said...

gaihaltai heljee hugshuun. zurhnees urssan ug uur yumoo. good luck!

Anonymous said...

ayguuuu rrrmontak-dchij kkk

chamaig harliii l gdg boljdee....xixixix...

goy l medremj bsn bhdaa... ter uydee... harin ter helelgui yvuulchdag ni horror , ...

tatah